Американски Бурбон и Тенеси Виски (American Bourbon and Tennessee Whiskey)

Бурбонот е американско виски кое своето име го добило по регионот Бурбон  во Кентаки.
Бурбонот за да биде наречен бурбон мора да ги иcполнува следниве улови:
- да биде направен од микс на житарки од кои со минимум од 51 % мора да биде застапена пченката.
- по дестилацијата бурбонот несмее да надминува 80 % алкохол
- бурбонот мора да одлежи во нови американски дабови буриња кои предходно се нагорени од внатрешната страна.
- при точењето во буре бурбонот несмее да надминува алкохол од 62,5 %
- не смее да се додава ниту боја ниту додатоци за вкус
- бурбонот, како и сите други вискија,  мора да биде во шише со минимум 40 % алкохол
- бурбонот кој ги исполнил сите овие предходни услови и одлежал во буре минимум две години може да се нарече Straight Bourbon (Стрејт Бурбон).
- само вискито произведено во Америка може да се нарече бурбон.


Во квалитетните бурбони најчесто се користи висок процент на пченка, над 70% , а остатокот го сочинуваат пченица, ’рж и јачмен.  Потоа сите житарки се мелат, се мешаат со вода, се додава квасец, ферментација, дестилирање, полнење во буриња и одлежување. Овој процес е речиси ист како и кај сите вискија во светот и можеби се прашувате што е тоа што го прави бурбонот различен.
Тоа е филтрацијата низ јаглен. Речиси секој бурбон, со неколку исклучоци меѓу кои најпознати се Markers Mark и Woodford Reserve, поминува низ процесот на филтрација низ јаглен. Тој процес најчесто се врши по дестилацијата т.е. пред ставањето во буриња за одлежување. Алкохолниот пијалок се филтрира низ слој од јаглен, не само за прочистување туку и за вкус и мирис на самиот пијалок. Тука се крие всушнос и разликата помеѓу бурбон и Тенеси виски. Во Тенеси е измислен специфичен начин на филтрација низ јаглен.

Алкохолот по дестилирањето поминува низ одприлика 3,5 метри јаглен кој е добиен од дрвото јавор. Капка по капка алкохолот поминува низ овој дебел слој на јаглен, се прочиства, и потоа се става во буре на одлежување.  Овој процес е легализиран и се нарекува Lincoln County Proces. Со изведување на ваква филтрација и вискито да биде произведено и одлежано во областа Тенеси тогаш може  нарече Тенеси виски (Tennessee Whiskey). Денес има само два бренда кои произведуваат Тенеси виски тоа се Jack Daniel’s и Geroge Dickel.
Американски Бурбон и Тенеси Виски (American Bourbon and Tennessee Whiskey)